ليه لازم تسجل بطارية BMW بعد ما تغيرها؟
عربيات BMW بتظبط شحن البطارية حسب عمرها ونوعها وسعتها. لو ركبت بطارية جديدة ومسجلتهاش، العربية بتفضل تعاملها على إنها القديمة وبتشحنها بزيادة، وده بيقصر عمرها. التسجيل بيقول للعربية إن البطارية جديدة، ولو غيرت النوع أو السعة بنكودها كمان.
إيه اللي بيحصل لو ما سجلتش البطارية؟
موديول إدارة الطاقة في BMW بيرفع جهد الشحن كل ما البطارية تكبر عشان يعوض ضعفها. البطارية الجديدة لو اتشحنت بجهد بطارية قديمة، بتسخن وبتفقد جزء من عمرها بدري. وممكن كمان تلاقي مشاكل في الكهربا زي قفل بعض الأجهزة عشان توفر شحن.
التسجيل بيتعمل إزاي؟
- 01نوصل الكمبيوتر بالعربية.
- 02نسجل تغيير البطارية في موديول إدارة الطاقة.
- 03لو النوع أو السعة اتغيرت (مثلاً من عادية لـ AGM، أو من 70 لـ 90 أمبير)، بنكود ده.
- 04نتأكد من جهد الشحن بعد التسجيل.
بكام وفين؟
تسجيل البطارية بـ 500 جنيه + الانتقال، وبيتعمل عندك في البيت أو الشغل. الانتقال مجاني في الشيخ زايد، و 100 جنيه في الهرم، و 150 جنيه في 6 أكتوبر، و 200 جنيه في المهندسين ومصر الجديدة، و 220 جنيه في مدينة نصر والمعادي والتجمع ومدينتي والعاصمة الإدارية.
أسئلة عن الموضوع ده
لازم أسجل البطارية لو نفس النوع والسعة؟
أيوه، عشان العربية تعرف إن البطارية جديدة وترجع جهد الشحن لطبيعته.
ينفع أسجلها بعد ما ركبتها بفترة؟
أيوه، سجلها في أقرب وقت. كل ما تستنى البطارية بتتشحن غلط أكتر.