الكشف قبل الشراء لـ BMW E90 بيشمل إيه؟
الكشف قبل الشراء (الكشف بالكمبيوتر) لـ BMW E9x بيقرا أعطال كل الموديولات مش المحرك بس، وبيدور على أعطال اتمسحت قريب، وبيقارن الكيلومترات في العداد وموديول المفتاح، وبيشوف البطارية ومواعيد الصيانة المتسجلة. سعره 700 جنيه + الانتقال، وبيتعمل في مكان العربية.
ليه كشف الكمبيوتر مهم في BMW؟
عربيات BMW فيها أكتر من 30 موديول إلكتروني. أجهزة الفحص العامة غالباً بتقرا المحرك بس، لكن مشاكل E9x المكلفة كتير بتكون في الفتيس أو نظام الفرامل (DSC) أو الإيرباج أو الإضاءة. برامج التوكيل زي ISTA وINPA بتقرا كل ده.
اللي بنكشف عليه
- أعطال كل الموديولات: المحرك، الفتيس، الفرامل، الإيرباج، الكهربا، وباقي الموديولات.
- علامات مسح الأعطال قبل البيع.
- مطابقة الكيلومترات بين العداد (KOMBI) وموديول المفتاح (CAS).
- حالة البطارية وهل هي متسجلة صح.
- مواعيد الصيانة المتسجلة في العربية (CBS).
الكشف ده إلكتروني. مش بيقيس سُمك الدهان ولا بيحط العربية على ونش. لو عايز الصورة كاملة، اعمله مع كشف ميكانيكا وسمكرة عند فني تثق فيه.
الكشف بيتعمل إزاي؟
- 01تحجز وتختار المنطقة والميعاد، وتدفع العربون على InstaPay.
- 02بنروح لمكان العربية، عندك أو عند البايع.
- 03بنوصل الكمبيوتر ونقرا كل الموديولات.
- 04التقرير المكتوب بيوصلك على واتساب، وتدفع الباقي.
السعر
700 جنيه + الانتقال. الانتقال مجاني في الشيخ زايد، و 100 جنيه في الهرم، و 150 جنيه في 6 أكتوبر، و 200 جنيه في المهندسين ومصر الجديدة، و 220 جنيه في مدينة نصر والمعادي والتجمع ومدينتي والعاصمة الإدارية. العربون 50% والباقي بعد الكشف.
أسئلة عن الموضوع ده
الكشف بياخد وقت قد إيه؟
حوالي ساعة في مكان العربية، والتقرير بيوصلك على واتساب بعدها.
لازم صاحب العربية يكون موجود؟
لازم حد يفتحلنا العربية ويشغلها، سواء إنت أو البايع.
بتكشفوا على عربيات غير BMW؟
حالياً BMW جيل E9x بس، موديلات 2005 لـ 2013.